ສວນວັດທະນະທໍາລ້ານຊ້າງ

 ໂຄງການ ພັດທະນາສວນວັດທະນະທຳລ້ານຊ້າງ ຕັ້ງຢູ່ຫຼັກ16 ເມືອງໄຊທານີ , ນະຄອນຫຼວງວຽງຈັນ ກົງກັນຂ້າມກັບສະໜາມກິລາແຫ່ງຊາດລາວ, ຕິດກັບທາງຫຼວງເລກທີ13ໃຕ້ ເຊື່ອມຕໍ່ໃສ່ເສັ້ນທາງ ເລກທີ10 ແລະ ເສັ້ນທາງ 450ປີ. ສະຖານທີ່ຕັ້ງຂອງໂຄງການ ຫ່າງຈາກສະຖານີລົດໄຟຄວາມໄວສູງ 3 ກິໂລແມັດ, ຫ່າງຈາກສະໜາມບິນສາກົນວັດໄຕ 16 ກິໂລແມັດ ແລະ ຂົວມິດຕະພາບລາວ-ໄທ 19ກິໂລແມັດ, ຢູ່ບໍລິເວນອ້ອມຮອບສວນຍັງມີສູນກິລາ, ສະໜາມກອບ ແລະ ສິ່ງອຳນວຍຄວາມສະດວກອື່ນໆອີກຫຼາກຫຼາຍ. ສວນວັດທະນະທຳລ້ານຊ້າງ ມີເນື້ອທີ່ດິນທັງໝົດ 133 ເຮັກຕ້າ, ເນື້ອທີ່ກໍ່ສ້າງ 600,000 ຕາແມັດ, ລວມມູນຄ່າການກໍ່ສ້າງທັງໝົດ 1 ຕື້ໂດລາສະຫະລັດ. ເພື່ອກໍ່ຕັ້ງເປັນສະຖານທີ່ທ່ອງທ່ຽວທາງດ້ານວັດທະນະທຳທີ່ສົມບູນແບບ, ເພື່ອອຳນວຍຄວາມສະດວກສະຖານທີ່ພັກຜ່ອນ, ທ່ອງທ່ຽວ, ດຳເນີນທຸລະກິດ, ຈັດງານກິດຈະກຳຕ່າງໆ ໃຫ້ແກ່ປະຊາຊົນລາວ ແລະ ນັກທ່ອງທ່ຽວຊາວຕ່າງປະເທດ. ເຊິ່ງໂຄງການ ດັ່ງກ່າວໄດ້ແບ່ງໄລຍະການກໍ່ສ້າງອອກ ເປັນ 3 ໄລຍະ ໂດຍໄລຍະທຳອິດເລີ່ມແຕ່ເດືອນຕຸລາ ປີ 2021 ປະກອບມີ: ທະເລສາບ, ໜູ່ບ້ານຊົນເຜົ່າ, ເຂດບໍລິການຮ້ານຄ້າ, ເຂດຮ້ານຄ້າປອດພາສີ, ພັດທະຄານຈັດງານ, ໂຮງແຮມ 5 ດາວ, ພື້ນທີ່ການຮຽນຮູ້, ສວນນຳ້, ຮ້ານຄ້າແຄມບຶງ, ຮ້ານຄ້າແຄມນຳ້ສອງຝັ່ງ, ລອງເຮືອໃຈກາງບຶງ, ນ້ຳພຸໃຈກາງບຶງ , ເຂດກຸ່ມວິສາຫະກິດ ແລະ ໂຮງແຮມທຸລະກິດ..